வெற்றி பெறசெய்தமைக்கு நன்றி

அதிகமான இடங்களில் பெருவாரியான வாக்கு வித்தியாசத்தில் திமுக வை வெற்றிபெறசெய்த அனைத்து வாக்காளர்களுக்கும் எங்கள் இதயபூர்வமான நன்றி நன்றி நன்றி !!!

இந்த வெற்றி திமுகவின் வெற்றி, கலைஞரின் உடல்நலம் பாராது உழைக்கும் உழைப்புக்கு கிடைத்த வெற்றி, மக்களுக்கு தொண்டு செய்ய இன்னொரு வாய்ப்பு வேண்டும் என்று கேட்ட கழகத்தின் வெற்றி, ஈழபாசம் கொண்ட ஒரே உண்மையான தலைவர் என்று மக்கள் அங்கீகரித்த வெற்றி, குடும்ப அரசியல் என்று கேலிகூத்துக்கு எதிரான ஓர் வெற்றி, இந்த தேர்தலுக்கு பிறகு திமுக காணாமல் போகும் என்று கணக்கு போட்டவர்களுக்கு சவுக்கடி குடுத்த வெற்றி, முரசு தனியாக ஒலிக்க முடியாது என்று கேப்டனுக்கு உணர்த்திய வெற்றி, ஜேஜே தான் அடுத்த பிரதமரை தேர்ந்தெடுப்பார் என்ற அளவுக்கு அவரை தலைமேல் தூக்கி வைத்து ஆடிய மீடியாவுக்கு எதிரான வெற்றி, வரலாறு காணாத தோல்வியை தழுவுவார்கள் என்று எழுதிய ரிப்போர்ட்டர், விகடன், துக்ளக் ஆகிய பத்திரிக்கைகளின் கணக்கெடுப்புக்கு எதிரான ஓர் வெற்றி, ஈழத்துக்கு குரல் கொடுக்கும் ஒரே தமிழன் என்று எண்ணிய வைகோ அவருடைய சொந்த தொகுதியில் தோற்கடிக்கபட்டதில் கிடைத்த வெற்றி, சூரியன் வெப்பத்தை ரெட்டை இலையும், மாம்பழமும், பம்பரமும், கதிர் அரிவாளும், முரசும் தாங்க முடியாது என்று உணர்த்தியதில் கிடைத்த வெற்றி, என்றென்றும் கலைஞர் வாழ்க என்று வளமுடன் வாழ்த்தி அவருக்காக வேலை பார்த்த ஒவ்வொரு திமுக தொண்டனுக்கும் கிடைத்த ஒரு வெற்றி, தென்னகத்தை தன் நெஞ்சகத்தில் தாங்கிய அஞ்சாநெஞ்சன் அருமை அண்ணன் அழகிரிக்கு கிடைத்த வெற்றி, நம் தமிழர்களுக்கு கிடைத்த வெற்றி, தமிழுக்கு கிடைத்த வெற்றி, பொருத்தது போதும் என்று பொங்கி எழுந்த நம் கலைஞர் மேல் மாறாது பற்று கொண்ட நம் இளைஞர் படைக்கு கிடைத்த வெற்றி, கைக்கு தமிழகத்தில் கைகுடுத்து மத்தியில் நிலையான ஆட்சி அமைய காரணமாக இருந்த உதயசூரியனுக்கு கிடைத்த வெற்றி, இது போன்ற மேலும் பல வெற்றிகளை வென்று குவிக்க வேண்டும் என்று வாழ்த்தி விடைபெறுகிறோம் நன்றி வணக்கம்...